 |
| शिवाजी विद्यापीठात आंतरराष्ट्रीय योग दिनानिमित्त आयोजित शिबिराचे उद्घाटन करताना प्र-कुलगुरू डॉ. डी.टी. शिर्के, मुप्पीन काडसिद्धेश्वर स्वामी, महाराष्ट्र टाइम्सचे निवासी संपादक विजय जाधव, कुलसचिव डॉ. विलास नांदवडेकर यांच्यासह मान्यवर. |
 |
| योगसाधना करताना मान्यवर. |
 |
| योग शिबिरात सहभागी आंतरराष्ट्रीय विद्यार्थी. |
 |
| योग शिबिरात सहभागी आंतरराष्ट्रीय विद्यार्थी मान्यवरांसमवेत. |
 |
| योगसाधना करताना शालेय विद्यार्थिनी. |
 |
| योगसाधना शिबिरात सहभागी महिला व बालके. |
 |
| शिवाजी विद्यापीठात आयोजित योगसाधना शिबिराला नागरिकांचा उत्स्फूर्त प्रतिसाद लाभला. |
 |
| शिवाजी विद्यापीठात आयोजित योगसाधना शिबिराला नागरिकांचा उत्स्फूर्त प्रतिसाद लाभला. |
 |
| शिवाजी विद्यापीठात आयोजित योगसाधना शिबिरात सहभागी शालेय विद्यार्थिनी. |
 |
| शिवाजी विद्यापीठात आयोजित शिबिरात योगसाधना करणारे नागरिक. |
कोल्हापूर, दि. २१ जून: शिवाजी विद्यापीठात
आज आंतरराष्ट्रीय योग दिन मोठ्या उत्साहाच्या वातावरणात साजरा करण्यात आला. विद्यापीठात शिक्षण
घेणाऱ्या आंतरराष्ट्रीय विद्यार्थ्यांच्या सहभागामुळे यंदाचा योग दिन अधिक
वैशिष्ट्यपूर्ण ठरला.
शिवाजी विद्यापीठाचा विद्यार्थी विकास विभाग,
श्री सिद्धगिरी मठ, कणेरी आणि टाइम्स ऑफ इंडिया समूह यांच्या संयुक्त विद्यमाने आज
सकाळी साडेसहा वाजता विद्यापीठाच्या राजमाता जिजाऊसाहेब बहुउद्देशीय सभागृहात (पूर्वीचे
लोककला केंद्र) आंतरराष्ट्रीय योग दिन साजरा करण्यात आला.
विद्यापीठाचे प्र-कुलगुरू डॉ. डी.टी. शिर्के,
कणेरी मठाचे मुप्पीन काडसिद्धेश्वर स्वामी, महाराष्ट्र टाइम्सचे निवासी संपादक
विजय जाधव यांच्यासह कुलसचिव डॉ. विलास नांदवडेकर, विद्यार्थी विकास विभागाचे
संचालक डॉ. आर.व्ही. गुरव, राष्ट्रीय सेवा योजना समन्वयक डॉ. डी.के. गायकवाड,
प्रा. भारत खराटे, डॉ. संदीप पाटील आदींच्या हस्ते रोपट्यास पाणी वाहून योग दिन
कार्यक्रमाचे उद्घाटन करण्यात आले. अधिष्ठाता डॉ. पी.डी. राऊत, डॉ. ए.एम. गुरव यांच्यासह
विविध अधिविभागांचे प्रमुख, शिक्षक, प्रशासकीय अधिकारी, कर्मचारी यांच्यासह शालेय
तसेच महाविद्यालयीन विद्यार्थी आणि समाजातील आबालवृद्धांनी योग दिन प्रशिक्षणात
सहभाग घेतला. मठाचे प्रशिक्षक सूरज पाटील यांनी योग प्रशिक्षण दिले.
शिवाजी विद्यापीठाने कणेरी मठाच्या सहकार्याने पहिल्या
आंतरराष्ट्रीय योग दिनापासून विद्यापीठात दररोज सकाळी योग प्रशिक्षण शिबीर चालविले
आहे. हे शिबीर सर्व समाजघटकांसाठी संपूर्णतः मोफत व मुक्त आहे. यामध्ये दररोज
दोनशे साधक सहभागी होत असतात. या शिबिराचा पाचवा वर्धापनदिनही आज साजरा करण्यात
आला.
दरम्यान, शिवाजी विद्यापीठाशी संलग्नित २९३
महाविद्यालयांमध्येही आंतरराष्ट्रीय योग दिनानिमित्त योग प्रशिक्षण कार्यक्रमाचे
आयोजन करण्यात आले.
