कोल्हापूर, दि. १२
जानेवारी: शिवाजी विद्यापीठात आज
राजमाता जिजाऊ साहेब आणि स्वामी विवेकानंद यांची जयंती उत्साहात साजरी करण्यात
आली.
विद्यापीठाच्या मुख्य प्रशासकीय भवनात आज सकाळी प्र-कुलगुरू डॉ. पी.एस. पाटील
आणि प्रभारी कुलसचिव डॉ. व्ही.एन. शिंदे यांच्या हस्ते राजमाता जिजाऊ साहेब आणि
स्वामी विवेकानंद यांच्या प्रतिमांना पुष्पहार अर्पण करून अभिवादन करण्यात आले. कुलगुरू
डॉ. डी.टी. शिर्के यांनी अभिवादन कार्यक्रमात ऑनलाईन पद्धतीने सहभाग घेऊन आदरांजली
वाहिली. यावेळी परीक्षा व मूल्यमापन मंडळाचे संचालक जी.आर. पळसे, विज्ञान व
तंत्रज्ञान विद्याशाखेचे अधिष्ठाता डॉ. आर.के. कामत, रसायनशास्त्र अधिविभागाचे
प्रमुख डॉ. जी.एस. गोकावी, आयक्यूएसीचे संचालक डॉ. एम.एस. देशमुख, विद्यार्थी
कल्याण विभागाचे संचालक डॉ. आर.व्ही. गुरव, डॉ. जी.एस. कुलकर्णी यांच्यासह शिक्षक,
प्रशासकीय कर्मचारी उपस्थित होते. कोविड-१९विषयक नियमावलीचे पालन करून कार्यक्रम
साजरा करण्यात आला.
