Wednesday 5 September 2018

महाविद्यालये ही विवेकी विचारांची संस्कार केंद्रे: कुलगुरू डॉ. देवानंद शिंदे


कुलगुरू डॉ.देवानंद शिंदेप्राचार्य डॉ.एस.वाय.होनगेकरकुलसचिव डॉ.विलास नांदवडेकर,

डॉ. डी.आर.मोरे,  श्री.व्ही.टी.पाटील

कोल्हापूर, दि. सप्टेंबर - विवेकी विचारांची महाविद्यालये उत्तम प्रकारची संस्कारकेंद्रे आहेत. प्राचार्यांनी व्यापक दृष्टीने हे संस्कार विद्यार्थ्यांपर्यंत पोहचविल्यास महाविद्यालय, संस्थेप्रती विद्यार्थ्यां आदरभाव निर्माण होईल, असे प्रतिपादन कुलगुरू डॉ.देवानंद शिंदे यांनी आज येथे केले.
शिवाजी विद्यापीठ गुणवत्ता शिष्यवृत्ती गुणगौरव समारंभ आज विद्यापीठाच्या मानव्यविद्या सभागृहात झाला. त्यानिमित्त प्राचार्यांच्या सत्कार प्रसंगी अध्यक्षस्थानावरून कुलगुरू डॉ. शिंदे बोलत होते.
कला, वाणिज्य, विज्ञान, अभियांत्रिकी, विधी, शिक्षणशास्त्र या पाच विद्याशाखांमधील सन 2017-18 या शैक्षणिक वर्षातील सर्वाधिक गुणवत्ता शिष्यवृत्ती मिळविणाऱ्या शहरी, निमशहरी ग्रामीण या गटातून सर्व प्रथम आलेल्या महाविद्यालयांच्या प्राचार्यांना प्रशस्तीपत्र दे सन्मानित करण्यात आले.  विद्यापीठाच्या मानव्यशास्त्र सभागृहामध्ये आयोजित करण्यात आलेल्या या कार्यक्रमामध्ये विद्यापीठाचे शैक्षणिक सल्लागार डॉ. डी.आर. मोरे, वित्त लेखाधिकारी व्ही.टी.पाटील यांची प्रमुख उपस्थिती होती.
कुलगुरू डॉ.देवानंद शिंदे
      कुलगुरू डॉ. शिंदे म्हणाले, हा समारंभ म्हणजे महाविद्यालयांच्या यशाचे, प्रगतीचे आणि त्यांच्या क्षमतेचे प्रतीक आहे. विद्यार्थ्यांच्या जडण-घडणीसाठी त्यांनी मिळविलेले यश महत्त्वाचे असते. विद्यार्थ्यांची दृष्टी बदलल्यास मानवतेचा विकास होण्यास सहाय्यभूत ठरते. स्पर्धेच्या जगा तोंड देण्यासाठी शिक्षण हे उत्तम प्रकारचे साधन आहे. विद्यार्थ्यांनी शिक्षणाच्या माध्यमातून आपल्या क्षमता वृद्धिंगत करीत राहायला हवे. त्याचबरोबर संशोधन, व्यवस्थापन आणि कौशल्ये आत्मसात करावीत.  आजच्या युगामध्ये इंटरनेट हे महत्वाचे विकासाचे साधन म्हणून पुढे येत आहे.  त्याचा शिक्षणासाठी योग्य वापर करणे गरजेचे आहे. 
      यावेळी पारितोषिक विजेत्या महाविद्यालयांच्या प्राचार्यांनी मनोगत व्यक्त केले.  कुलसचिव डॉ.विलास नांदवडेकर यांनी प्रास्ताविक केले. यावेळी विविध महाविद्यालयांचे प्राचार्य, विद्यार्थी, विद्यार्थींनी मोठया संख्येने उपस्थित होते.
                                         
                                      ------


2 comments:

  1. Hello, Great Article Dear
    Thank you for sharing the useful information, your website is highly effective and contains worthy content.BTW My Name is Praveen from India I am a Spoken English Trainer.
    Since a long time, I was looking for it. It’s very impressive also.
    CLASS IN BHILAI
    Best Spoken English CLASS IN BHILAI

    ReplyDelete
    Replies
    1. Thank you so much Praveen Sir for your valuable feedback. Good luck to your venture.

      Delete