कोल्हापूर, दि. ५ मे: शिवाजी विद्यापीठाचे पहिले
कुलगुरू डॉ. आप्पासाहेब पवार यांच्या जयंतीनिमित्त विद्यापीठात त्यांच्या
स्मृतींना अभिवादन करण्यात आले.
विद्यापीठाचे कुलगुरू डॉ.
एन.जे. पवार, प्र-कुलगुरू डॉ. ए.एस. भोईटे, कुलसचिव डॉ. डी.व्ही. मुळे, बीसीयुडी
संचालक डॉ. ए.बी. राजगे, परीक्षा नियंत्रक डॉ. बी.एम. हिर्डेकर, वित्त व
लेखाधिकारी व्ही.टी. पाटील, विद्यार्थी कल्याण संचालक डॉ. डी.के. गायकवाड यांनी आज
सकाळी विद्यापीठ अतिथीगृहाच्या प्रांगणातील डॉ. आप्पासाहेब पवार यांच्या
अर्धपुतळ्यास पुष्पहार घालून अभिवादन केले. त्यानंतर मुख्य इमारतीत डॉ. पवार
यांच्या प्रतिमेस पुष्प वाहून अभिवादन करण्यात आले. विद्यापीठातील शिक्षक,
अधिकारी, कर्मचारी यांनीही डॉ. पवार यांच्या प्रतिमेस पुष्प वाहून आदरांजली
वाहण्यात आली. डॉ. आप्पासाहेब पवार विद्यार्थी भवनमध्येही कुलगुरू डॉ. पवार
यांच्या उपस्थितीत विद्यापीठाच्या प्रथम कुलगुरूंची जयंती साजरी करण्यात आली. या
वेळी विद्यार्थ्यांची उपस्थितीही लक्षणीय होती.
No comments:
Post a Comment