महात्मा फुले यांना शिवाजी विद्यापीठात अभिवादन

शिवाजी विद्यापीठात महात्मा फुले जयंतीनिमित्त अभिवादन प्रसंगी कुलगुरू डॉ. डी.टी. शिर्के, कुलसचिव डॉ. विलास नांदवडेकर, डॉ. तृप्ती करेकट्टी आणि डॉ. एस.एस. महाजन. 

 

कोल्हापूर, दि. ११ एप्रिल: शिवाजी विद्यापीठात आज महात्मा जोतीराव फुले यांच्या जयंतीनिमित्त त्यांच्या स्मृतींना अभिवादन करण्यात आले.

आज सकाळी विद्यापीठाच्या मुख्य प्रशासकीय भवनामध्ये कुलगुरू डॉ. डी.टी. शिर्के यांच्या हस्ते महात्मा जोतीराव फुले यांच्या प्रतिमेस पुष्पहार अर्पण करण्यात आला. यावेळी कुलसचिव डॉ. विलास नांदवडेकर यांनीही महात्मा फुले यांच्या प्रतिमेस पुष्प वाहून अभिवादन केले. या प्रसंगी परीक्षा व मूल्यमापन मंडळाचे संचालक जी.आर. पळसे, वाणिज्य व व्यवस्थापन विद्याशाखेचे अधिष्ठाता डॉ. एस.एस. महाजन, विद्यार्थी विकास विभागाचे संचालक डॉ. आर.व्ही. गुरव यांच्यासह इंग्रजी अधिविभागाच्या प्रमुख डॉ. तृप्ती करेकट्टी, डॉ. ए.एम. सरवदे, दीपक भादले, डॉ. उपरे आदी उपस्थित होते. कोविड-१९ साथीच्या अनुषंगाने सर्व सुरक्षा नियमांचे पालन करून हा कार्यक्रम करण्यात आला.