कर्मवीर भाऊराव पाटील यांना शिवाजी विद्यापीठात अभिवादन

कोल्हापूर, दि. २२ सप्टेंबर: महाराष्ट्रातील थोर समाजसुधारक व शिक्षणमहर्षी कर्मवीर भाऊराव पाटील यांची जयंती शिवाजी विद्यापीठात उत्साहात साजरी करण्यात आली.

विद्यापीठाचे कुलगुरू डॉ. राजनीश कामत आणि प्र-कुलगुरू ज्योती जाधव यांच्या हस्ते विद्यापीठ परिसरातील कर्मवीर पाटील यांच्या पूर्णाकृती पुतळ्यास पुष्प वाहून अभिवादन करण्यात आले. त्याचप्रमाणे मुख्य प्रशासकीय इमारतीमध्येही कर्मवीरांच्या प्रतिमेस पुष्पहार घालून त्यांनी अभिवादन केले.

यावेळी कुलसचिव डॉ. विलास शिंदे, परीक्षा व मूल्यमापन मंडळाचे संचालक डॉ. अजितसिंह जाधव, वित्त व लेखाधिकारी डॉ. सुहासिनी पाटील, क्रीडा व शारीरिक शिक्षण संचालक डॉ. शरद बनसोडे, विद्यार्थी विकास मंडळाचे संचालक डॉ. सावळीराम घाणे, राष्ट्रीय सेवा योजना संचालक डॉ. कबीर खराडे, भूगोल अधिविभागाचे प्रमुख डॉ. सचिन पन्हाळकर, गणित अधिविभागाचे प्रमुख डॉ. मच्छिंद्र गोफणे, डॉ. सुभाष कोंबडे, डॉ. नीलांबरी जगताप, डॉ. मीना पोतदार, डॉ. संभाजी शिंदे, डॉ. धनश्री शिंदे, डॉ. प्रशांत पाटील, डॉ. अभिजीत पाटील, डॉ. सुधीर पोवार यांच्यासह शिक्षक, प्रशासकीय सेवक, विद्यार्थी-विद्यार्थिनी मोठ्या संख्येने उपस्थित होते.