डॉ. आप्पासाहेब पवार यांना जयंतीनिमित्त शिवाजी विद्यापीठात अभिवादन

शिवाजी विद्यापीठाच्या अतिथीगृह प्रांगणातील डॉ. आप्पासाहेब पवार यांच्या पुतळ्यास अभिवादन करताना कुलगुरू डॉ. देवानंद शिंदे, प्र-कुलगुरू डॉ. डी.टी. शिर्के, कुलसचिव डॉ. विलास नांदवडेकर यांच्यासह उपस्थित मान्यवर.

शिवाजी विद्यापीठाच्या विद्यार्थी भवनातील डॉ. आप्पासाहेब पवार यांच्या पुतळ्यास अभिवादन करताना कुलगुरू डॉ. देवानंद शिंदे, प्र-कुलगुरू डॉ. डी.टी. शिर्के, कुलसचिव डॉ. विलास नांदवडेकर यांच्यासह उपस्थित मान्यवर.

कोल्हापूर, दि. ५ मे: शिवाजी विद्यापीठाचे प्रथम कुलगुरू डॉ. आप्पासाहेब पवार यांची जयंती आज विद्यापीठात मोठ्या उत्साहात साजरी करण्यात आली.

कुलगुरू डॉ. देवानंद शिंदे आणि प्रभारी प्र-कुलगुरू डॉ. डी.टी. शिर्के यांच्या हस्ते विद्यापीठ अतिथीगृहासमोरील डॉ. पवार यांच्या अर्धपुतळ्यास पुष्पहार घालून अभिवादन करण्यात आले. त्यानंतर विद्यापीठाच्या मुख्य प्रशासकीय इमारतीमध्ये मान्यवरांच्या हस्ते डॉ. पवार यांच्या प्रतिमेचे पूजन करण्यात आले. 'डॉ. आप्पासाहेब पवार विद्यार्थी भवन' येथेही डॉ. पवार यांच्या अर्धपुतळ्यास अभिवादन करण्यात आले.

यावेळी कुलसचिव डॉ. विलास नांदवडेकर, शैक्षणिक सल्लागार डॉ. डी.आर. मोरे, विद्यार्थी विकास मंडळाचे संचालक डॉ. आर.व्ही. गुरव, अधिष्ठाता डॉ. ए.एम. गुरव, डॉ. भारती पाटील, उपकुलसचिव डॉ. जी.एस. कुलकर्णी, डॉ. एन.बी. गायकवाड, डॉ. एस.डी. डेळेकर, डॉ. संभाजी शिंदे, डॉ. मानसिंगराज निंबाळकर, प्राचार्य डॉ. बी.एल. पाटील, डॉ. एस.जे. नाईक, डॉ. सी.टी. पवार, अशोक साबळे, अनिल वेल्हाळ यांच्यासह शिक्षक, प्रशासकीय सेवक व विद्यार्थी-विद्यार्थिनी उपस्थित होते.