विद्यापीठाच्या भगवान महावीर अध्यासनासाठी प्राचार्य श्रीधर हेरवाडे यांच्याकडून भरीव देणगी

शिवाजी विद्यापीठाच्या भगवान महावीर अध्यासनाचे प्राध्यापक डॉ. विजय ककडे यांच्याकडे देणगी निधी सुपूर्द करताना प्राचार्य श्रीधर हेरवाडे.
 

कोल्हापूर, दि. १ जुलै: शिवाजी विद्यापीठाच्या भगवान महावीर अध्यासनाच्या प्रस्तावित इमारत बांधकामासाठी ज्येष्ठ प्राचार्य श्रीधर हेरवाडे यांनी एक लाख अकरा हजार एकशे अकरा रुपयांची बृहत देणगी दिली आहे. गुरूपुष्यामृत दिनी भगवान महावीर अध्यासनाचे प्राध्यापक डॉ. विजय ककडे यांच्याकडे त्यांनी हा निधी सुपूर्द केला. 

प्राचार्य हेरवाडे भगवान महावीर अध्यासनाच्या सल्लागार समितीवर मार्गदर्शक असून त्यांनी जैन धर्म तत्वज्ञान यावर विपुल लिखाण केले आहे. व्याख्याने दिली आहेत. त्यांच्या या देणगीबद्दल कुलगुरू डॉ. डी. टी. शिर्के, प्र-कुलगुरू डॉ. पी. एस. पाटील, देणगी संकलन समितीचे अध्यक्ष डॉ. जे. एफ. पाटील तसेच वित्त व लेखाधिकारी अजित चौगुले यांनी धन्यवाद दिले आहेत.

भगवान महावीर अध्यासनाच्या भव्य इमारत बांधकामास सर्व दानशूर, अहिंसाप्रेमी व्यक्ती व संस्थांनी सढळ हस्ते मदत करावी, असे आवाहन डॉ. विजय ककडे यांनी केले आहे. सदर देणगी आयकर सवलतीस शंभर टक्के पात्र असल्याचेही त्यांनी सांगितले आहे.