संशोधन नितीमत्तेतूनच गुणात्मक दर्जा प्राप्त करणे शक्य: कुलगुरू डॉ. डी.टी. शिर्के

 

शिवाजी विद्यापीठात आयोजित राष्ट्रीय वेबिनारमध्ये मार्गदर्शन करताना कुलगुरू डॉ. डी.टी. शिर्के.

शिवाजी विद्यापीठात “संशोधन व प्रकाशन नितीमानता” या विषयावर राष्ट्रीय वेबिनार

कोल्हापूर, दि. २२ जुलै: संशोधकीय नितीमत्तेखेरीज शैक्षणिक कार्यात कोणत्याही प्रकारचा गुणात्मक दर्जा प्राप्त करता येणे अशक्य आहे. त्यामुळे या नितीमत्तेला संशोधकांनी सर्वोच्च प्राधान्य द्यायला हवे, असे प्रतिपादन शिवाजी विद्यापीठाचे कुलगुरू डॉ. डी.टी. शिर्के यांनी आज येथे केले.

बॅ. बाळासाहेब खर्डेकर ज्ञानस्रोत केंद्र आणि ग्रंथालय व माहितीशास्त्र विभाग यांच्या ५९ व्या वर्धापन दिनानिमित्त आज “संशोधन व प्रकाशन नितीमानता” या विषयावर एक दिवसीय राष्ट्रीय वेबिनारचे आयोजन करण्यात आले.

      या वेबिनारसाठी डॉ. मुरारी पी. तपस्वी, नॅशनल इन्स्टिट्यूट ऑफ ओशनोग्राफी, गोवा व डॉ. महेंद्र. एन. जाधव, ग्रंथपाल, केंद्रीय ग्रंथालय, इंडियन इन्स्टिट्यूट ऑफ टेक्नोलॉजी, मद्रास (चेन्नई) हे मार्गदर्शक होते. वेबिनारचे उद्घाटन विद्यापीठाचे कुलगुरू मा.डॉ. डी. टी. शिर्के यांच्या हस्ते करण्यात आले. तत्पूर्वी प्र–कुलगुरू डॉ. पी. एस. पाटील यांनी संशोधन पद्धती आराखडा, शास्त्र / सामाजिक शास्त्रातील संशोधन इत्यादींच्या अनुषंगाने मार्गदर्शन केले.

ज्ञानस्रोत केंद्राचे प्रभारी संचालक डॉ. धनंजय सुतार यांनी स्वागत व प्रास्ताविक केले. डॉ. सचिनकुमार पाटील, प्रभारी अधिविभागप्रमुख, ग्रंथालय व माहितीशास्त्र विभाग यांनी प्रमुख पाहुण्यांचा परिचय करून दिला. डॉ.पी.बी. बिलावर यांनी अनुक्रमे डॉ. मुरारी पी. तपस्वी व डॉ. महेंद्र. एन. जाधव या मार्गदर्शकांचा परिचय करून दिला. डॉ. मुरारी पी. तपस्वी, नॅशनल इन्स्टिट्यूट ऑफ ओशनोग्राफी, गोवा यांनी “रिसर्च इंटिग्रिटी: बर्ड्स आय व्ह्यू” या विषयावर मार्गदर्शन केले.

डॉ. महेंद्र. एन. जाधव, ग्रंथपाल, केंद्रीय ग्रंथालय, इंडियन इन्स्टिट्यूट ऑफ टेक्नोलॉजी, मद्रास (चेन्नई) यांनी “क्राइटेरिया फॉर सिलेक्टिंग जर्नल फॉर पब्लिकेशन” या विषयावर मार्गदर्शन केले. डॉ. एस. व्ही. थोरात यांनी प्रश्नोत्तरांचे सत्र घेतले. डॉ. आर. डी. खामकर यांनी आभार मानले. या वेबिनारसाठी देशभरातील ५०० हून अधिक अभ्यासकांनी सहभाग नोंदवला. या कार्यक्रमाचे सूत्रसंचालन संशोधक  विद्यार्थी संग्राम किल्लेदार यांनी केले.