Monday 18 November 2019

तणाव मुक्त जीवनशैलीसाठी क्रीडा कौशल्यांना प्रोत्साहन आवश्यक - माजी कुलगुरू डॉ.मधुकरराव गायकवाड

कोल्हापूर, दि.18 नोव्हेंबर - प्रशासकीय पातळीवरील कर्मचाऱ्यांचा कार्यालयीन कामकाजांमधील ताण कमी करण्यासाठी, बौध्दिक चालना मिळण्यासाठी तणाव मुक्त जीवन जगण्यासाठी क्रीडा कौशल्यांना प्रोत्साहन देणे हे अत्यंत स्तुत्य उपक्रम आहे, असे प्रतिपादन स्वामी रामानंद तीर्थ मराठवाडा विद्यापीठ, नांदेड येथील माजी कुलगुरू डॉ.मधुकरराव गायकवाड यांनी आज येथे केले.
शिवाजी विद्यापीठाच्या क्रीडामहर्षी मेघनाथ नोगेशकर क्रीडा संकुल येथे आयोजित केलेल्या 17 व्या अखिल भारतीय आंतर विद्यापीठ कर्मचारी 'कुलगुरू चषक' टी-20 क्रिकेट स्पर्धा-2019 या स्पर्धेच्या उद्धाटन प्रसंगी प्रमुख पाहुणे म्हणून माजी कुलगुरू डॉ. गायकवाड बोलत होते. विद्यापीठाचे कुलगुरू डॉ.देवानंद शिंदे अध्यक्षस्थानी होते.यावेळी प्र-कुलगुरू डॉ.डी.टी.शिर्के, कुलसचिव डॉ.विलास नांदवडेकर, वित्त लेखाधिकारी व्ही.टी.पाटील, अधिष्ठाता डॉ.पी.डी.राऊत, राष्ट्रीय सेवा योजनेचे समन्वयक डॉ.डी.के.गायकवाड, व्यवस्थापन परिषदेचे सदस्य डॉ.प्रकाश कुंभार, डॉ.कोरबू यांची प्रमुख उपस्थिती होती.याप्रसंगी भारतीय दिव्यांग संघातील आंतरराष्ट्रीय क्रिकेट खेळाडू कमलाकर कराळे यांची विशेष उपस्थिती होती.
माजी कुलगुरू डॉ.मधुकरराव गायकवाड पुढे म्हणाले, साहित्या प्रमाणेच क्रीडा ही एक उत्कृष्ट कला आहे.खेळाडू कर्मचाऱ्यांमधील सांघीक भावना, सहकार्य, समन्वय जागृत करण्यासाठी या स्पर्धा महत्वाच्या ठरतात. शिवाजी विद्यापीठाने यंदा देश पातळीवरील विद्यापीठातील कर्मचाऱ्यांसाठी टी-20 क्रिकेट स्पर्धेचे केलेेले आयोजन हे अत्यंत अभिनव आहे.
अध्यक्षीय मनोगतामध्ये कुलगुरू डॉ.देवानंद शिंदे म्हणाले, कर्मचाऱ्यांनी क्रीडा कौशल्ये आत्मसात केल्यास आनंदी, आरोग्यमय आणि उत्साही जीवन जगता येते.या अखिल भारतीय स्पर्धा म्हणजे भाषा आणि सांस्कृतिचे आदान-प्रदान करणारे जणू केंद्रच बनलेले आहेत.प्रत्येक कर्मचाऱ्याने खिळाडूवृत्ती आणि सांंघिक भावनांचा जोपासल्यास कार्यालयीन कामकाजांमध्ये गतीमानता प्राप्त होते.
विद्यापीठ क्रीडा विभागाचे प्र.संचालक डॉ.पी.टी.गायकवाड यांनी स्वागत प्रास्ताविक केले.राज्य देशभरातून विद्यापीठीय क्रिकेट खेळाडूंचे 20 संघ दाखल झालेले आहेत.  अध्यक्षीय संघ जामिया मिलिया इस्लामिया विद्यापीठ, नवी दिल्ली यांच्यामध्ये प्रदर्शनीय सामना खेळविण्यात आला. यावेळी प्रशासकीय कर्मचारी, अधिकारी, खेळाडू मोठया संख्येने उपस्थित होते.
----

अखिल भारतीय आंतर विद्यापीठ कर्मचारी 'कुलगुरू चषक' टी-20 क्रिकेट स्पर्धा-2019

                   उद्याचे सामने -   (सकाळ सत्र)
सी 1 वि सी 5
:
पंजाब विद्यापीठ, चंदीगड विरूध्द राष्ट्रसंत तुकडोजी महाराज नागपूर विद्यापीठ, नागपूर
सी 3 वि.सी 4
:
महर्षी दयानंद विद्यापीठ, रोहतक विरूध्द महात्मा फुले कृषि विद्यापीठ, राहुरी
डी 2 वि.डी 3
:
दीनदयाळ उपाध्याय गोरखपूर विद्यापीठ, गोरखपूर विरूध्द केंद्रीय विद्यापीठ, जम्मू
                                                  (दुपार सत्र)
1 वि. ए 3 
:
जामिया मिलिया इस्लामिया विद्यापीठ, नवी दिल्ली विरूध्द पंजाब कृषी विद्यापीठ, लुधियाना
4 वि. ए 5
:
सवित्रीबाई फुले पुणे विद्यापीठ, पुणे विरूध्द कवयित्री बहिणाबाई चौधरी उत्तर महाराष्ट्र विद्यापीठ, जळगांव
बी 1 वि. बी 2
:
जम्मू विद्यापीठ, जम्मू विरूध्द मुंबई विद्यापीठ, मुंबई
----

No comments:

Post a Comment