शिवाजी विद्यापीठात सावित्रीबाई फुले जयंती उत्साहात

 

कोल्हापूर, दि. ३ जानेवारी: क्रांतीज्योती सावित्रीबाई फुले यांची जयंती आज शिवाजी विद्यापीठात उत्साहात साजरी करण्यात आली.

विद्यापीठाच्या मुख्य प्रशासकीय इमारतीमध्ये आज सकाळी कुलगुरू डॉ. दिगंबर शिर्के आणि प्र-कुलगुरू डॉ. प्रमोद पाटील यांच्या हस्ते सावित्रीबाई फुले यांच्या प्रतिमेस पुष्पहार अर्पण करण्यात येऊन अभिवादन करण्यात आले. यावेळी विद्यापीठातील महिला शिक्षक, कर्मचारी आणि विद्यार्थी-विद्यार्थिनी यांनी मोठ्या संख्येने उपस्थित राहून सावित्रीबाई फुले यांच्या प्रतिमेला पुष्प वाहून कृतज्ञता व्यक्त केली. यावेळी कुलसचिव डॉ. विलास शिंदे, वित्त व लेखाधिकारी डॉ. सुहासिनी पाटील, अधिष्ठाता डॉ. महादेव देशमुख, डॉ. रामचंद्र पवार, डॉ. प्रल्हाद माने, विद्यार्थिनी वसतिगृहाच्या मुख्य अधीक्षक डॉ. माधुरी वाळवेकर, डॉ. मीना पोतदार, डॉ. नीलांबरी जगताप, डॉ. कविता वड्राळे आदी उपस्थित होते.