प्रथम कुलगुरू डॉ. आप्पासाहेब पवार यांना स्मृतिदिनानिमित्त अभिवादन

 

प्रथम कुलगुरू डॉ. आप्पासाहेब पवार यांच्या स्मृतिदिनानिमित्त शिवाजी विद्यापीठ अतिथीगृह प्रांगणातील अर्धपुतळ्यास अभिवादन प्रसंगी कुलगुरू डॉ. दिगंबर शिर्के, कुलसचिव डॉ. विलास शिंदे यांच्यासह शिक्षक व अन्य मान्यवरांसह विद्यार्थी-विद्यार्थिनी. (उपरोक्त दोन छायाचित्रांत)

प्रथम कुलगुरू डॉ. आप्पासाहेब पवार यांच्या स्मृतिदिनानिमित्त मुख्य प्रशासकीय भवन इमारतीमध्ये अभिवादन प्रसंगी कुलगुरू डॉ. दिगंबर शिर्के, कुलसचिव डॉ. विलास शिंदे, वित्त व लेखाधिकारी डॉ. सुहासिनी पाटील यांच्यासह शिक्षक, मान्यवर आणि विद्यार्थी-विद्यार्थिनी. 

कोल्हापूर, दि. ३० डिसेंबर: शिवाजी विद्यापीठाचे प्रथम कुलगुरू डॉ. आप्पासाहेब पवार यांच्या स्मृतिदिनानिमित्त आज विद्यापीठात त्यांच्या पवित्र स्मृतींना अभिवादन करण्यात आले.

सकाळी साडेदहा वाजता विद्यापीठ अतिथीगृहाच्या प्रांगणातील डॉ. पवार यांच्या अर्धपुतळ्यास कुलगुरू डॉ. दिगंबर शिर्के यांच्या हस्ते पुष्पहार अर्पण करण्यात आला. त्यानंतर मुख्य प्रशासकीय भवन इमारतीसह डॉ. आप्पासाहेब पवार विद्यार्थी भवन येथेही डॉ. पवार यांच्या स्मृतींना अभिवादन करण्यात आले. यावेळी कुलसचिव डॉ. विलास शिंदे, वित्त व लेखाधिकारी डॉ. सुहासिनी पाटील, मानव्यशास्त्र विद्याशाखा अधिष्ठाता डॉ. महादेव देशमुख, वृत्तपत्रविद्या व संज्ञापनशास्त्र अधिविभाग प्रमुख डॉ. निशा मुडे-पवार, डॉ. कविता वाळवेकर, डॉ. दीपक भादले, डॉ. नीलेश तरवाळ, डॉ. जी.पी. माळी, डॉ. सी.एच. भोसले, डॉ. एस.जे. नाईक, डॉ. अशोक जगताप, किसनराव कुराडे यांच्यासह विद्यार्थी-विद्यार्थिनी मोठ्या संख्येने उपस्थित होते.