शिवाजी विद्यापीठात संत गाडगेबाबा जयंती

 

कोल्हापूर, दि. २३ फेब्रुवारी: शिवाजी विद्यापीठात आज संत गाडगेबाबा महाराज यांची जयंती मोठ्या उत्साहात साजरी करण्यात आली.

शिवाजी विद्यापीठाच्या मुख्य प्रशासकीय भवनात कुलगुरू डॉ. डी.टी. शिर्के, प्र-कुलगुरू डॉ. पी.एस. पाटील यांच्या हस्ते संत गाडगेबाबा यांच्या प्रतिमेस पुष्पहार घालून अभिवादन करण्यात आले. यावेळी कुलसचिव डॉ. व्ही.एन. शिंदे, वाणिज्य व व्यवस्थापन विद्याशाखेचे अधिष्ठाता डॉ. एस.एस. महाजन, कौशल्य व उद्योजकता विकास केंद्राचे समन्वयक डॉ. ए.एम. गुरव, डॉ. केदार मारुलकर, डॉ. दीपा इंगवले, डॉ. अनुप मुळे, डॉ. रामदास बोलके, डॉ. गंधाली खारगे यांच्यासह प्रशासकीय अधिकारी, कर्मचारी आणि विद्यार्थी उपस्थित होते.

दरम्यान, आज संत गाडगेबाबा महाराज यांच्या जयंतीनिमित्त विविध अधिविभागांसह प्रशासकीय विभागांत अंतर्गत स्वच्छता मोहीम राबविण्यात आली.