दहशतवाद व हिंसाचारविरोधी दिनानिमित्त शिवाजी विद्यापीठात सामूहिक शपथ

 

 

कोल्हापूर, दि. २१ मे: शिवाजी विद्यापीठात आज दहशतवाद व हिंसाचारविरोधी दिनानिमित्त सामूहिक शपथग्रहण कार्यक्रम झाला.

विद्यापीठाचे कुलगुरू डॉ. डी.टी. शिर्के यांच्या प्रमुख उपस्थितीत राजर्षी शाहू सभागृहाच्या हिरवळीवर हा उपक्रम राष्ट्रीय येवा योजनेतर्फे आयोजित करण्यात आला.

यावेळी परीक्षा व मूल्यमापन मंडळाचे संचालक गजानन पळसे, विद्यार्थी विकास मंडळाचे संचालक डॉ. आर.व्ही. गुरव, राष्ट्रीय सेवा योजनेचे समन्वयक अभय जायभाये, विवेकानंद महाविद्यालयाचे डॉ. संदीप पाटील यांच्यासह विद्यार्थी, शिक्षक, प्रशासकीय सेवक उपस्थित होते. राष्ट्रीय सेवा योजनेचे किरण पवार स्वयंसेवकांनी शपथ वाचन केले.