पुण्यश्लोक अहिल्यादेवी होळकर यांना शिवाजी विद्यापीठात अभिवादन

 

कोल्हापूर, दि. ३१ मे: पुण्यश्लोक अहिल्यादेवी होळकर यांची जयंती आज शिवाजी विद्यापीठात उत्साहात साजरी करण्यात आली.

आज सकाळी विद्यापीठाच्या मुख्य प्रशासकीय इमारतीत कुलगुरू डॉ. डी.टी. शिर्के आणि प्र-कुलगुरू डॉ. पी.एस. पाटील यांच्या हस्ते पुण्यश्लोक अहिल्यादेवी होळकर यांच्या प्रतिमेस पुष्पहार अर्पण करून अभिवादन करण्यात आले. या प्रसंगी फगवाडा (पंजाब) येथील लव्हली प्रोफेशनल विद्यापीठाचे अधिष्ठाता प्रा. सौरभ लखनपाल, कुलसचिव डॉ. व्ही.एन. शिंदे, परीक्षा व मूल्यमापन मंडळाचे संचालक जी.आर. पळसे, विज्ञान व तंत्रज्ञान विद्याशाखेचे अधिष्ठाता डॉ. आर.के. कामत, विद्यार्थी विकास विभागाचे संचालक डॉ. आर.व्ही. गुरव, अंतर्गत गुणवत्ता हमी कक्षाचे संचालक डॉ.एम.एस. देशमुख, समाजशास्त्र अधिविभागप्रमुख तथा सामाजिक वंचितता व समावेशन केंद्राचे संचालक डॉ. जगन कराडे, डॉ.एम.टी. गोफणे, डॉ. किशोर खिलारे यांच्यासह शिक्षक, प्रशासकीय अधिकारी व कर्मचारी उपस्थित होते.